Россияда 46 йўловчини олиб кетаётган самолёт бедарак йўқолди
Тйнда шаҳрига етиб бориши керак бўлган Ан-24 самолёти радар экранларидан ғойиб бўлган.
Россиянинг узоқ шарқий ҳудудида, ичида деярли 50 нафар одам бўлган Ан-24 йўловчи самолёти билан боғланиш узилиб қолди. Бу ҳақда минтақавий ҳокимият ва маҳаллий фавқулодда вазиятлар хизматлари маълум қилди.
Маълумотларга кўра, самолёт Хабаровск шаҳридан ҳавога кўтарилиб, Благовешченск орқали Тйнда шаҳрига етиб бориши керак эди. Бироқ Амур вилояти осмонида парвоз чоғида радар экранларидан йўқолган.
Россиянинг Ангара авиакомпаниясига тегишли бўлган самолёт ичида 43 йўловчи, жумладан 5 нафар бола, шунингдек, 6 нафар экипаж аъзоси бўлгани айтилмоқда. Фавқулодда вазиятлар вазирлиги эса бортдаги йўловчилар сонини тахминан 40 атрофида деб кўрсатган.
Амур вилояти губернатори Василий Орлов Телеграмъдаги саҳифасида Самолётни излаш учун барча зарур куч ва воситалар сафарбар этилганини ёзган.
Ми-8 вертолёти қидирув ишларига жалб қилинган. Айни дамда ҳодиса юзасидан тергов ва тезкор излаш ишлари олиб борилмоқда.
