Ҳар йили 20 минг кишига мияга чипи ўрнатилади
Илон Маск асос солган компания нейротехнологиялар орқали миллиардлаб даромад олишни кўзламоқда.
Илон Маск томонидан ташкил этилган Неуралинк компанияси 2031 йилгача ҳар йили 20 минг кишига мия чипи имплантация қилишни режалаштирмоқда. Bloomberg манбасига кўра, компания олти йил ичида бешта йирик клиника очади ва камида уч турдаги нейроимплантни ишга туширади.
Ушбу чиплар турли соғлиқ муаммоларини ҳал этишга хизмат қилади. Telepathy деб номланган биринчи қурилма фойдаланувчига компьютер билан тўғридан-тўғри фикр орқали мулоқот қилиш имконини беради. Блиндсигҳт номли иккинчи модель кўриш қобилиятини тиклашга ёрдам беради, учинчи — Deep деб аталувчи қурилма эса Паркинсон касаллиги ва треморни даволаш учун мўлжалланган.
Неуралинк 2024 йилда клиник синовларни бошлаган ва ҳозиргача камида 10 беморда чип имплантацияси муваффақиятли амалга оширилган. Шунингдек, АҚШ FDA агентлиги компанияга Breakthrough Device (илгариловчи қурилма) мақомини берган, бу эса нутқ қобилиятида оғир нуқсони бор беморлар учун алоқа имкониятини яхшилашга қаратилган.
Неуралинк 2031 йилгача ҳар йили чип операциялари орқали 1 миллиард долларлик даромад олишни мўлжалламоқда. Бироқ мутахассислар Маскнинг олдинги лойиҳаларида бўлгани каби бу сафар ҳам ваъдалар орқага сурилиши мумкинлигини таъкидламоқда. Компания ҳозиргача $1,3 миллиард сармоя жалб қилган ва бозордаги умумий баҳоси $9 миллиардга баҳоланмоқда.
