Куала-Лумпурда Таиланд ва Камбоджа ўртасида ўт очишни тўхтатиш бўйича музокаралар бошланди
Музокараларга Малайзия бош вазири воситачилик қилади.
Бугун, 28 июль куни Таиланд ва Камбоджа Малайзияда қуролли тўқнашувларни тўхтатиш бўйича музокараларни бошлашга келишиб олди. Бу ҳақда Малайзия ташқи ишлар вазири Муҳаммад Ҳасан баёнот берган.
Музокараларга келишилганига қарамай, Таиланд ҳукумати Камбоджа йирик ҳарбий операцияни режалаштираётганини маълум қилди. Расмий баёнотда камбоджалик ҳарбийларнинг ҳаракатлари тартибсиз экани ва ҳарбий уруш қоидаларини бузиши мумкинлиги қайд этилган. Шу билан бирга, томонлар ўзаро ўт очишни тўхтатишга тайёрланаётгани билдирилди.
Маълумотларга кўра, 24 июль куни бошланган қуролли тўқнашувларда камида 33 нафар ҳарбий ва тинч аҳоли ҳалок бўлган. Минглаб одамлар ўз уйларини тарк этишга мажбур бўлди. 27 июль куни Таиланд делегациясига бош вазир вазифасини бажарувчи Пхумтам Вечаячай, Камбоджа томони эса бош вазир Хум Манет бошчилик қилиши кутилмоқда.
Можарога Таиланд томонидан Камбоджа ҳудудига дрон разведкаси ва авиазарбалар берилгани, Камбоджа томонидан эса “мудофаа чоралари” сабаб сифатида келтирилмоқда. Икки давлат ўртасидаги йиллар давом этаётган чегара низоси айниқса Преахвихеа ибодатхонаси атрофидаги ҳудудлар устидан даъволар туфайли авж олган. 2008 йилда ушбу ибодатхона UNESCO мероси рўйхатига киритилгач, можаро яна кескинлашган эди.
