Нью-Йорк марказида отишма содир бўлди, унда 5 киши ҳалок бўлган
Осмонўпар бинога кириб борган ҳужумчи аввал бир неча кишини, сўнгра ўзини отиб ўлдирган.
АҚШнинг Нью-Йорк шаҳри марказида жойлашган Парк Авенюдаги осмонўпар биносида содир бўлган отишмада камида 5 киши, жумладан, бир полиция ходими ва қуролланган ҳужумчи ҳалок бўлди. Ушбу бино Blackstone инвестиция компанияси, KPMG, Deutsche Bank ва NFL (Миллий футбол лигаси) бош қароргоҳи жойлашган марказий молиявий ҳудудда жойлашган.
Нью-Йорк шаҳри полиция комиссари Жессика Тиш берган баёнотга кўра, 27 ёшли Шейн Тамура исмли ҳужумчи қора BMW машинасидан тушиб, M4 русумли автоматик қурол билан бинога кирган. У бинога кириш қисмида NYPD ходими Дидарул Исломни отиб ўлдирган, сўнгра бир аёл ва хавфсизлик ходимини ҳам отган. Учинчи қурбон 33-қаватда ҳалок бўлган.
Ҳужумчи ҳодиса жойида ўз жонига қасд қилган. Яна бир жабрланувчи касалхонага ётқизилган. Расмийларнинг таъкидлашича, ҳозирча ҳужумнинг аниқ сабаблари номаълум, аммо федерал агентликлар воқеани фаол равишда тергов қилмоқда. Полициячи Дидарул Ислом — икки фарзандли, Бангладешлик муҳожир бўлган ва учинчи фарзандини кутяпган рафиқаси бўлгани айтилган.
Шаҳар мэри Эрик Адамс марҳум полициячининг жасоратини эътироф этиб, “У Нью-Йоркликларни ҳимоя қилишда ҳалок бўлди, у ҳақиқий қаҳрамон эди”, деди. Ҳозирда воқеа жойи ўраб олинган, хавфсизлик чоралари кучайтирилган.
