Павел Дуров Парижда 10 соат сўроқ қилинди
У бу ҳақда журналистларга изоҳ бермаган.
Телеграм асосчиси Павел Дуров Франция пойтахти Париж шаҳрида деярли 10 соат сўроқ қилинди, дея хабар бермоқда РИА Новости нашри.
Дуров уни суд биносидан чиқишда кутиб турган журналистларга изоҳ беришдан бош тортган ва дарҳол машинасига ўтириб, кетиб қолган.
ОАВ маълумотларига кўра, 28 июль куни соат 10:00 атрофида Павел Дуров тўрт нафар адвокат ҳамроҳлигида тергов судьяси кабинетига сўроқ қилиниш учун келган. Тергов тафсилотлари ҳозирча номаълум.
Эслатиб ўтамиз, шу йилнинг июль ойи ўрталарида Телеграм асосчиси Франция ҳукуматини сўз эркинлигига қарши эканликда айблаганди.
