Эрон шаҳарларида сув ва электр тақчиллиги норозиликларга сабаб бўлди
Намойишлар “Сув, ёруғлик, ҳаёт – бу бизнинг ҳуқуқимиз!” шиори остида ўтмоқда.
Эроннинг Теҳрон, Табриз, Хузистон ва Бушеҳр каби йирик шаҳарларида фуқаролар ичимлик суви ҳамда электр энергияси таъминотидаги узилишлар сабабли норозилик намойишларига чиқди. Намойишчилар “Сув, ёруғлик, ҳаёт – бу бизнинг ҳуқуқимиз!” деган шиор остида кўчаларда тўпланди.
Маҳаллий манбаларга кўра, ёзнинг жазирама кунларида узлуксиз хизматлардан фойдаланиш имконияти чеклангани аҳолининг кескин норозилигига сабаб бўлмоқда. Айрим ҳудудларда ҳуқуқни муҳофаза қилиш органлари томонидан намойишчиларга нисбатан куч қўллангани ҳақида ҳам хабарлар бор.
Муттахассислар фикрича, мавжуд инқироз мамлакатдаги ижтимоий вазиятга салбий таъсир кўрсатиши мумкин.
