Европаликлар НАТО ва ЕИ раҳбарларини танимайдими?
Бу бўйича 7 та давлатда сўровнома ўтказилди.
Халқаро европа Ҳаракати (ЭМИ) томонидан ўтказилган сўров натижаларига кўра, европаликларнинг 40 фоиздан ортиғи НАТО Бош котиби Марк Рутте ва Европа дипломатияси раҳбари Кажа Каллас каби сиёсатчиларни билмайди.
Қайд этилишича, европаликларнинг 48 фоизи Еврокомиссия (ЕК) раҳбари Урсула фон дер Ляйеннинг фаолиятидан яхши хабардор, яна 23 фоизи у ҳақида кам эшитган. Шу билан бирга, кўплаб етакчи сиёсатчилар кўпчилик учун деярли нотаниш бўлиб қолмоқда: респондентларнинг 41 фоизи Рютте, 45 фоизи Европа парламенти президенти Роберт Метсола ва 48 фоизи Каллас ҳақида ҳеч қачон эшитмаган.
Сўров натижаларига кўра, респондентларнинг атиги 21 фоизи Рутте, 18 фоизи Метсола ва 14 фоизи Каллас билан тўлиқ таниш эканлигини айтган. Европа Иттифоқининг йирик сиёсий арбоблари орасида энг кам танилгани Мудофаа бўйича Европа комиссари Андриус Кубилиусдир - респондентларнинг 60 фоизи у ҳақида ҳеч қачон эшитмаган.
Тадқиқот Европа Иттифоқининг етти мамлакати: Германия, Франция, Италия, Испания, Полша, Руминия ва Швециянинг 3,5 минг фуқароси ўртасида ўтказилди.
Тадқиқот натижалари 28 июль куни Халқаро Европа Ҳаракати расмий сайтида эълон қилинган.
