Камбоджа Трампни Тинчлик бўйича Нобел мукофотига тавсия қилмоқда
Расмийларнинг фикрига кўра, Трамп иштирокисиз Камбоджа ва Таиланд келишувга эриша олмаган бўларди.
Камбоджа ҳукумати АҚШ президенти Дональд Трампни минтақавий можароларни ҳал этишдаги воситачилик фаолияти учун Тинчлик бўйича Нобел мукофотига тавсия этишга тайёрланмоқда. Бу ҳақда мамлакат Бош вазири ўринбосари Сун Чантол The Wall Street Journal нашрига берган интервьюсида маълум қилган.
Расмийнинг қайд этишича, Трамп нафақат Камбожа, балки бошқа минтақалардаги тинчлик жараёнларига ҳам муҳим ҳисса қўшган. Хусусан, у иштирок этмаганида Таиланд ва Камбожа ўртасидаги чегара можароси бўйича келишувга эришиш қийин бўлар эди, дейди Сун Чантол.
Маълумот учун, 24-июлга ўтар кечаси икки давлат ҳарбийлари ўртасида баҳсли ҳудудда отишма содир бўлган, Таиланд ҳарбий-ҳаво кучлари эса кейинчалик ўз ҳудудидаги нишонларга зарба берган.
