АҚШда 80 йил аввал ажралган ака-сингил бир-бирларини топишди

Америка Қўшма Штатларида ҳаётий бурилишларга бой инсоний воқеа рўй берди: туғилганидан кўп ўтмай ажралиб кетган Мариан Гриффин (80 ёш) ва Доналд Хефке (81 ёш) орадан деярли 80 йил ўтиб, бир-бирларини топишди. Бу ҳақда gazeta.ru ABC News манбасига таянып хабар бермоқда.

 

Улар 1946 йилда, яъни болалик чоғларидаёқ бир-бирларидан ажралиб қолган. Руҳий касалликка чалинган оналари шифохонага жойлаштирилган, отаси эса болаларга ёлғиз қарай олмагани сабабли, Мариан саккиз ойлик, Доналд эса бир ёшга тўлмаган вақтда васийликка топширилган.

 

Доналд 1963 йилда ўз яқинларини излашга ҳаракат қилган, аммо Марианнинг асраб олувчи оиласи бу борадаги мулоқотни рад этган. Мариан эса акаси борлигини мутлақо билмаган.

 

Орадан йиллар ўтиб, Доналднинг қизи Денис Бейкер терговга киришди. У 20 йилдан ортиқ вақтни ҳужжатларни ўрганиш, ДНК платформалари орқали изланишларга сарфлади. Нихоят, Марианнинг ўғли Ancestry платформасида ДНК натижаларини жойлаштиргач, улар орасида қариндошлик аниқланиб, боғланиш имкони туғилди.

 

Ҳозирча улар ҳали шахсан учрашишмаган — бири Калифорнияда, иккинчиси Флоридада яшайди. Бироқ улар бир-бирларини топганидан ҳаяжонда ва яқинда учрашишни режалаштиришмоқда.