Эрдўғон уруш бошланганидан бери илк бор Киевга боради
Зеленскийнинг шахсан ўзи Туркия раҳбарига таклифнома юборган.
Украина Туркия президенти Ражаб Тоййиб Эрдўғоннинг ташрифига ҳозирлик кўрмоқда. Бу ҳақида Украинанинг Туркиядаги элчиси Нариман Желал маълум қилган.
Ташрифнинг асосий мавзуси мамлакатлар ўртасидаги эркин савдо битимини ратификация қилиш бўлиши мумкин. Ушбу ҳужжат ҳам стратегик ҳамкорлик, ҳам Украина бизнесининг катта қисми учун муҳим аҳамиятга эга.
“Биз ҳозирда Президент Эрдўғоннинг Украинага ташрифини ташкил этиш устида фаол ишлаяпмиз. Президент Зеленскийнинг шахсан ўзи таклифнома юборган. Бу ташриф катта саъй-ҳаракатларни талаб қилади, чунки уни амалга оширишга тўсқинлик қилаётган кўплаб масалалар бор”, - деди Желал.
Эслатиб ўтамиз, Эрдўғон охирги марта 2022 йил 3 февраль куни Киевга ташриф буюрганди.
