Японияда иссиқ ҳаво туфайли 18 киши ҳалок бўлди
Сўнгги ҳафталарда жазирама оқибатида 9500 дан ортиқ одам касалхонага ётқизилди.
Японияда кузатилаётган ғайритабиий жазирама тўлқинлари оқибатида сўнгги бир ҳафта ичида 9500 нафардан ортиқ фуқаро иссиқлик урушидан (гипертермия) жабрланган ҳолда шифохоналарга ётқизилган. Расмий маълумотларга кўра, ушбу даврда 18 киши ҳалок бўлган.
Маҳаллий оммавий ахборот воситаларининг фавқулодда хизматларга таянилиб хабар беришича, иссиқликдан азият чекканларнинг 58 фоизини 65 ёшдан ошган фуқаролар ташкил этади.
Июн ойидан бери мамлакатда ҳарорат меъёрдан анча юқори бўлиб, баъзи ҳудудларда рекорд даражадаги кўрсаткичлар қайд этилган. Жумладан, Гунма префектурасининг Исесаки шаҳрида ҳаво ҳарорати 41,8°C га етгани қайд этилган бўлиб, ўтган ҳафтадаги 41,2°C рекордини ортда қолдирган.
Мамлакат расмийлари фуқароларга имконият борича кўчага чиқмаслик, салқин жойларда бўлиш ва кўпроқ суюқлик истеъмол қилишни тавсия қилмоқда.
