Арманистон ва Озарбойжон ўртасидаги стратегик йўлак АҚШ назоратига ўтади
АҚШ назоратидаги янги транзит келишуви Жанубий Кавказдаги тинчлик жараёнида бурилиш нуқтаси бўлиши айтилмоқда.
АҚШ президенти Доналд Трумп 8 август куни Оқ уйда Арманистон бош вазири Никол Пашинян ва Озарбойжон президенти Илҳом Алиев билан тарихий битим имзолаши кутилмоқда. Битимга кўра, Озарбойжонни Нахичеван билан боғловчи ва Арманистон ҳудудидан ўтувчи стратегик транспорт йўлаги АҚШ назоратига ўтади.
Реутерс хабарига кўра, йўлак “Трумп Роуте фор Интернатионал Пеасе анд Просперитй” (TRIPP) номи билан аталади ва Боку ҳамда Ереван ўртасида узоқ йиллик баҳс-мунозараларга сабаб бўлиб келган транзит масаласини ҳал қилади.
Арманистон аввал йўлакни фақат ўз назорати остида очишга тайёр эди, аммо Озарбойжон бунга рози бўлмади. Энди эса Арманистон АҚШга транзит йўналишини ривожлантириш учун узоқ муддатли эксклюзив ҳуқуқ беради. АҚШ бу йўналишда инфратузилма қурилиши ва бошқарувини консорциумга топширади.
Битим доирасида томонлар, шунингдек, 1992 йилда можарога воситачилик қилиш учун тузилган Минск гуруҳини тугатиш ҳақида ҳам келишади. АҚШ расмийлари бу келишув Озарбойжоннинг “Иброҳим келишувлари” ташаббусига қўшилишига йўл очиши мумкинлигини билдирмоқда.
