Франция президенти ўзига тобут тайёрлаб қўйсин
Францияда исроиллик раввин Макронни ўлдириш билан таҳдид қилди.
Францияда Исроил фуқароси, раввин Давид Даниел Коэннинг Франция президенти Эммануэль Макронни ўлдириш билан таҳдид қилгани юзасидан тергов ишлари бошланди.
Маълум қилинишига, раввин ўзининг YouTube каналидан 37 дақиқалик видеомурожаат жойлаб, Франциянинг Фаластин давлатини тан олиш режасини кескин танқид қилган. У Макроннинг позициясини “Худонинг иродасига зид” деб атаб, “Франция президенти ўзига тобут тайёрлаб қўйгани маъқул” дея таҳдидли баёнот қилган.
Франция ички ишлар вазири Бриуно Петаё ушбу мурожаат ортидан тергов бошланганини тасдиқлади. Президент Макрон эса сентябрь ойида бўлиб ўтадиган БМТ Бош Ассамблеяси сессиясигача Фаластин давлатини расман тан олиш ниятида эканини билдирди. У бу қадам Яқин Шарқда тинчлик ўрнатилишига хизмат қилишига ишонишини таъкидлади.
Таҳдид Франциянинг Фаластин давлатини тан олиш режасидан сўнг янгради.
Шунингдек, Буюк Британия, Канада, Португалия, Франция ва Мали сентябрь ойида БМТ сессияси бошланишидан аввал Фаластин давлатини тан олишга тайёрлигини билдирди.
Бундан ташқари, Андорра, Австралия, Исландия, Ирландия, Люксембург, Янги Зеландия, Норвегия, Сан-Марино, Словения ва Финляндия ҳам шундай қарор қабул қилиш ниятида. Ҳозирга қадар дунёнинг 140 дан ортиқ давлати Фаластинни тан олган, Европа Иттифоқининг 27 мамлакатида 12 таси уларнинг қаторида.
