Россияда гиёҳванд моддалар савдосида гумонланган ўзбекистонлик қамоққа олинди
Тергов маълумотларига кўра, у жиноий гуруҳда курьер сифатида фаолият юритган.
Россиянинг Сочи шаҳрида Ўзбекистон фуқаросига нисбатан гиёҳванд моддалар савдоси билан боғлиқ жиноят иши бўйича ҳукм ўқилди.
Марказий округ суди қарорига кўра, у синтетик гиёҳванд моддаларни катта миқдорда сотишга урингани учун 7 йил муддатга қаттиқ тартибли колонияда жазони ўташга ҳукм қилинди.
Тергов маълумотларига кўра, судланувчи жиноий гуруҳ таркибида курьер вазифасини бажарган. У гиёҳванд модда партияларини қабул қилиб, уларни қадоқлаган ва кейинчалик сотиш учун яширин жойларга жойлаштирган. Гумондорга бешта ҳолат бўйича айблов қўйилди.
Ҳуқуқ-тартибот идоралари томонидан жиноят фаолияти фош этилди. Суд мажлисида айбланувчи ўз айбини тўлиқ тан олди, бу эса ҳукм белгилашда енгиллаштирувчи ҳолат сифатида инобатга олинди.
