Россия янги ҳужумларга тайёргарлик кўрмоқда
Зеленский Россиянинг яқин кунларда ҳужумларни кучайтириши мумкинлигини маълум қилди.
Украина президенти Владимир Зеленский Россия яқин кунларда янги ҳужумларни бошлаши мумкинлиги ҳақида огоҳлантирди. Бу ҳақда у ўзининг Telegram’даги мурожаатида маълум қилди.
Давлат раҳбарининг сўзларига кўра, Москва глобал музокараларда қулайроқ сиёсий шароит яратиш мақсадида зарбалардан фойдаланишга уриниши эҳтимолдан холи эмас.
“Россия қўшинларининг ҳаракати ва тайёргарлиги кузатилмоқда. Биз, албатта, қаршилик кўрсатамиз – керак бўлса, асимметрик тарзда. Мен Бош қўмондондан жанговор қўмондонлар билан учрашишни сўрадим. Украинага кучли мудофаа позициялари ва аниқ қаршилик зарур”, — деди Зеленский.
