Афғонистонда йўл-транспорт ҳодисаси оқибатида 71 киши ҳалок бўлди
Маълумотларга кўра, автобусда яқинда Эрондан депортация қилинган қочқинлар бўлган.
Афғонистоннинг Ҳирот вилоятида автобус, мотоцикл ва юк машинаси иштирокида йирик йўл-транспорт ҳодисаси юз берди. Дастлабки маълумотларга кўра, 71 нафар фуқаро ҳалок бўлиб, улар орасида 17 нафар бола ҳам бор дейди РБК нашри.
Ҳодиса юзасидан маҳаллий маъмурият ва ҳуқуқни муҳофаза қилувчи органлар текширув бошлади. Ҳирот вилояти полицияси берган маълумотга кўра, авария автобус ҳайдовчисининг тезликни ошириши ва йўл ҳаракати қоидаларини бузиши оқибатида содир бўлган.
Хабарларга кўра, автобусда яқинда Эрондан депортация қилинган қочқинлар бўлган.
