Менга урушларни тўхтатиш ёқади — Трамп
У Украина можаросини ҳал қилиб, жаннатга киришдан умид қилмоқда.
АҚШ президенти Доналд Трамп урушларни тугатишга интилаётганини ва Украинадаги можарони ҳал қилишга эришмоқчи эканини айтди.
“Менга урушларни тўхтатиш ёқади” деди у америкалик журналист Марк Левин билан суҳбатда.
Украинадаги можаро ҳақида гапирар экан, Трамп “Ўртамизда океан бор. Биз унга бунчалик аралашишимиз шарт эмас эди. Агар урушни тўхтата олсак, бу ажойиб бўларди”, деб таъкидлади.
Трамп, шунингдек, Ҳиндистон ва Покистон ўртасидаги қарама-қаршиликка барҳам бергани ва бошқа бир қатор можароларни ҳал қилгани учун яна бир бор обрў қозонди.
Шунингдек, Америка президенти ўзини ҳам, Исроил бош вазири Бенямин Нетаняхуни ҳам “уруш қаҳрамонлари” деб атади.
“Нетаняху уруш қаҳрамони, чунки биз бирга ишлаймиз. У уруш қаҳрамони. Мен ҳам шундай деб ўйлайман”, - деди Трамп.
АҚШ етакчиси Украина можаросини ҳал қила олса, жаннатга киришига ҳам умид қилмоқда.
