Алиев Доналд Трампнинг совғаси учун миннатдорлик билдирди
Трамп тарихий фотосуратларни имзо ва илиқ сўзлар билан тақдим этган.
Озарбайжон Республикаси Президенти Илҳом Алиев АҚШ президенти Доналд Трампдан шахсий совға қабул қилиб олгани ҳақида маълум қилди. Бу ҳақда давлат раҳбари ўзининг ижтимоий тармоқдаги саҳифасида хабар берди.
Алиевнинг таъкидлашича, Трамп унга тарихий фотосуратларни шахсий имзоси ҳамда илиқ сўзлари билан тақдим этган. Озарбайжон раҳбари ушбу совғани юксак қадрлаб, Трампга миннатдорлик изҳор этди.
“Президент Доналд Трампга ўзининг шахсий имзоси билан менга совға қилган тарихий суратлари ва уларга ёзилган самимий сўзлари учун миннатдорчилик билдираман. Шунингдек, Озарбайжон ва Арманистон ўртасидаги муносабатларни нормаллаштириш ҳамда Жанубий Кавказ ва бутун дунёда тинчликни таъминлаш кун тартибини қатъий қўллаб-қувватлагани учун чуқур миннатдорлик билдираман”, — деди Алиев.
Маълумот учун, Доналд Трамп Илҳом Алиевга юбoрган суратларидан бирига шахсий ёзув ҳам қолдирган. Унда шундай дейилган: “Сен буюк йўлбошчисан”.
Озарбайжон Президенти бу совғани икки давлат ўртасидаги дўстона алоқалар рамзи сифатида баҳолаб, Трампга самимий миннатдорлик изҳор этди.
