Олмаота аэропортида эркак ўзини ёқиб юборди
Бунга унинг рафиқаси билан шахсий можароси сабаб бўлган.
Кеча, 25 август куни Қозоғистоннинг Олмаота аэропорти терминалида эркак ўзини ёқиб юборишга уринди. Бу ҳақида мамлакат ички ишлар вазирлиги хабар бермоқда.
Қайд этилишича, ҳодиса соат 22:06 да Олмаота аэропортининг Т-1 терминалидаги касса ёнида юз берган. Дастлабки маълумотларга кўра, бунга унинг рафиқаси билан шахсий можароси сабаб бўлган.
Аэропорт хавфсизлик хизмати ва полиция ходимлари ёнғинни ўчириб, эркакнинг ҳаётини сақлаб қолишган. Шундан сўнг у тез тиббий ёрдам машинасида шаҳар шифохонасига юборилган.
Мазкур ҳолат юзасидан транспорт полицияси томонидан жиноят иши қўзғатилган. Ҳозирда тергов ҳаракатлари олиб борилмоқда, ҳодисанинг барча сабаблари ва ҳолатлари аниқланмоқда.
