Россия ЕИ делегацияси жойлашган бинога зарба берди
Антонио Кошта буни “қасддан қилинган” дея баҳолади.
Бугун, 28 август куни Россия Киев шаҳридаги Европа Иттифоқи делегацияси жойлашган бинога зарба берди. Бу ҳақда Украина ташқи ишлар вазири Андрей Сибига хабар берди.
Украинадаги Европа Иттифоқи элчиси Катарина Матхернова бинога Россия томонидан кечаси уюштирилган дрон ва баллистик ракета ҳужумлари оқибатида жиддий зарар етганини, бироқ ходимлар орасида жабрланганлар йўқлигини маълум қилди.
Андрей Сибига Россияни дипломатларни нишонга олганликда айблаб, буни Вена конвенциясини бевосита бузиш деб баҳолади.
Европа Иттифоқининг ташқи сиёсат раҳбари Кая Каллас ушбу ҳужумни можарони атайлаб кескинлаштириш ва тинчликка қаратилган саъй-ҳаракатларни масхара қилишга уриниш сифатида таърифлади. Европа Кенгаши президенти Антонио Коста эса Киевдаги ЕИ делегацияси биносига етказилган зарарни “қасддан қилинган” дея баҳолади.
Сўнгги маълумотларга кўра, Россиянинг Украина бўйлаб тунги ҳужумлари оқибатида 15 киши ҳалок бўлган.
