“Трамп вафот этди” деган хабарлар ростми?
Ижтимоий тармоқларда Президент ҳақидаги хабар катта шов-шувга сабаб бўлмоқда.
Сўнгги кунларда АҚШ президенти Дональд Трамп ҳақида “Трамп вафот этди” деган хабарлар ижтимоий тармоқларда кенг тарқалди. X (собиқ Twitter) платформаcида ушбу ҳештеглар минглаб марта ёзилди ва катта шов-шувга сабаб бўлди.
Миш-мишлар, асосан, Трампнинг 24 соат давомида омма олдида кўринмагани ва 30–31-август кунларига ҳеч қандай тадбир белгиланмагани ортидан кучайди. Трампнинг соғлиғига оид хавотирлар ҳам буга туртки бўлди. Ўтган ойда унинг қўлларида кўкаришлар пайдо бўлгани ҳақидаги тасвирлар тарқалган эди, бироқ шифокорлари бу ҳолатни қўл сиқишлар ва аспирин ичиш билан изоҳлаб, президентнинг умумий соғлиғи яхши эканини таъкидлаган.
Шу билан бирга, вице-президент JD Vance’нинг 27-август куни берган интервьюси ҳам муҳокамаларни кучайтирди. У Трампнинг 79 ёш бўлишига қарамай жуда фаол ишлаётганини айтиб, “у кечаси ҳам энг кеч қўнғироқ қилувчи ва эрталаб биринчи бўлиб телефонни қўлга оладиган одам,” дея изоҳ берди. Аммо унинг “кутилмаган воқеалар бўлиши мумкин” деган жумласи ижтимоий тармоқларда турли талқинларга сабаб бўлди.
Миш-мишларга “The Simpsons” мультсериали ҳам қўшилди. Сериал яратувчиси Мэтт Гроэнинг Сан-Диего Comic-Con тадбирида “Трамп вафот этса, одамлар кўчаларда рақс тушади, аммо президент Vance рақски тақиқ қўяди” деган ҳазиломуз гапни айтган. Сериалнинг ўтмишда бир неча воқеаларни олдиндан айтиб бергани ҳақида гап-сўзлар бўлгани сабабли, ушбу изоҳ “башорат” сифатида талқин қилинди. Ҳатто ижтимоий тармоқларда Трамп образидаги қаҳрамон йиқилиб тушадиган “монтaj қилинган” видео ҳам тарқалди.
Трампнинг бўш кун тартиби эса шов-шувни янада авж олдирди. #TrumpIsDead ва #TrumpDied каби hashtagлар юз минглаб постлар остида trendга айланди. Бироқ, Оқ уй ва президентнинг шифокорлари барча миш-мишларни рад этиб, Трампнинг соғлиғи яхши эканини яна бир бор тасдиқлади. Dr. Шон P. Барбабелла президентнинг барча текширувлари соғлом чиққанини, юрак ёки бошқа жиддий касаллик аниқланмаганини маълум қилди.
Мутахассислар бу галги миш-мишлар сиёсат ва интернет маданиятининг бирлашиши натижасида жуда тез тарқалганини айтишмоқда. Ҳозирча Трампнинг соғлиғи бўйича жиддий хавотирга сабаб бўладиган далил йўқ.
