Трамп: “Мен ҳаётимда ҳеч қачон ўзимни бу қадар яхши ҳис қилмаганман”
Дональд Трамп соғлиғи ҳақидаги миш-мишларга ойдинлик киритди.
АҚШ Президенти Дональд Трамп ўз соғлиғи ҳақида илк бор изоҳ берди. У “Truth Social” тармоғида тарқалган миш-мишларга муносабат билдириб, “Мен ҳаётимда ҳеч қачон ўзимни бундай яхши ҳис қилмаганман”, дея таъкидлади.
Аввалроқ ижтимоий тармоқларда Трампнинг саломатлиги ёмонлашгани ва ҳатто вафот этгани ҳақидаги асоссиз хабарлар тарқалган эди. Бунга унинг 27 август куни Вазирлар Маҳкамаси йиғилишидан кейин омма олдида кўринмаганлиги сабаб бўлганди.
31 август куни журналист Лаура Розен сиёсатчининг Виржиния штатидаги голф майдонида тушган суратини эълон қилди. Бу эса миш-мишларни янада кучайтирди.
Оқ уй эса дарҳол баёнот бериб, Президентнинг соғлиғида ҳеч қандай муаммо йўқлигини, у ўзини яхши ҳис қилаётганини ва мунтазам равишда голф билан шуғулланаётганини маълум қилди.
Шу кунларда витсе-президент Жеймс Девид Венс ҳам чиқиш қилиб, зарурат туғилганда давлат раҳбари вазифасини бажаришга тайёрлигини билдирди.
