Қобулжон Аҳмедов ОАВ учун контент тайёрлаш марказига директор бўлди

Ўзбекистон Республикаси Президенти Администрацияси ҳузуридаги Оммаий ахборот воситалари учун контент тайёрлаш марказига янги раҳбар тайинланди. Президент Администрациясининг тегишли фармойишига кўра, Қобулжон Холиқович Аҳмедов марказ директори лавозимида иш бошлади.

 

Қобулжон Аҳмедов аввал MY5 телеканалига бошчилик қилган, шунингдек, тайинловга қадар МТРК таркибидаги “Ёшлар” ижодий бирлашмаси директори сифатида фаолият юритган. Таҗрибали медиа мутахассиси эндиликда давлат оммавий ахборот воситалари учун сифатли контент ишлаб чиқаришни янги босқичга олиб чиқиш устида ишлайди.

 

Марказ директорининг икки нафар ўринбосари ҳам белгиланди. Унга кўра, таниқли режиссёр Ҳусан Равшанович Салихов директор ўринбосари этиб тайинланди. У илгари Президент Матбуот хизматининг Медиа марказига раҳбарлик қилган. Яна бир ўринбосар Жаҳонгир Муҳаммадали ўғли Абдураҳмонов бўлиб, у тайинловдан аввал Президент Матбуот хизматинида бош консультант лавозимида ишлаган ва “Uzreport” телеканалида шеф-муҳаррир бўлган.

 

Эслатиб ўтамиз, шу йил июл ойида Ахборот ва оммавий коммуникациялар агентлиги (АОКА) тугатилиб, унинг асосида Миллий контент ишлаб чиқарувчи марказ ташкил этилганди. Шунингдек, Президент Администрацияси Медиа маркази негизида Оммаий ахборот воситалари учун контент тайёрлаш маркази фаолият бошлади.