Трамп яқинда Путин билан телефон орқали мулоқот қилади
Америка президенти вазият кутилганидан мураккаб бўлиб чиққанини тан олди.
АҚШ президенти Доналд Трамп яқин кунларда Россия Федерацияси раҳбари Владимир Путин билан телефон орқали мулоқот ўтказишни режалаштираётганини маълум қилди.
Давлат раҳбари бу ҳақда Оқ уйда Польша президенти Карол Навротски билан ўтказилган учрашув чоғида баёнот берди.
“Мен яқин орада Владимир Путин билан телефон орқали суҳбатлашаман. Бу мулоқот давомида мавжуд вазиятни батафсил ўрганиб, кейинги қадамларни белгилаб оламиз. Биз ҳозиргача муайян чора-тадбирларни кўрдик, аммо Путин билан суҳбат жараёнида масаланинг барча жиҳатлари аниқ бўлади”, — деди Трамп.
Шунингдек, АҚШ президенти аввал Россия ва Украина ўртасидаги можаро юзасидан “осон ҳал этилиши мумкин” деган фикр билдирганини эслатиб ўтди. Бироқ унинг қайд этишича, вазият кутилганидан анча мураккаб бўлиб чиққан.
