Россияда ишсиз мигрантларнинг давлатда қолиши пуллик бўлиши мумкин

Россияда ишламайдиган мигрант оилалар учун қолиш ҳуқуқи пуллик бўлиши таклиф қилинди.

 

“Янги одамлар” фракцияси вакиллари Россия ички ишлар вазири Владимир Колокольцевга мурожаат қилиб, ишламайдиган мигрант оилаларининг Россия Федерациясида қолиши учун ҳақ тўланадиган тартибни жорий этишни таклиф қилдилар. Ҳужжат матнида таъкидланишича, амалдаги қонунчиликда мигрантларнинг турмуш ўртоғи ва фарзандлари меҳнатга лаёқатли оила аъзоси мақоми асосида қолиш ҳуқуқига эга, аммо бу оилалар инфратузилма ва ижтимоий хизматлардан фойдаланиб, мамлакат иқтисодиётига молиявий ҳисса қўшмайди. Шу сабабли, пуллик қолиш режими давлат ва жамият манфаатларини мувозанатлаш, бюджет тушумларини ошириш ҳамда қонуний бандликни рағбатлантиришга хизмат қилиши мумкин.

 

Депутатлар таклиф қилган тартиб ишламайдиган мигрант оилаларнинг расман ишлаши ёки таълим фаолияти билан шуғулланиши учун иқтисодий рағбат яратади ва уларнинг оилалари учун қонуний асосларни таъминлайди. Пуллик қолиш мажбурияти қонун билан мустаҳкамланиши, тўлов миқдори ва тартиби Ички ишлар вазирлиги томонидан белгиланиши режалаштирилган.