Россияда қоидабузар хорижликларга мамлакатга кириш тақиқланади
Уч йил ичида икки марта маъмурий жавобгарликка тортилган хорижликларга мамлакатга кириш тақиқланиши мумкин.
Россия Федерациясига ташриф буюраётган хорижий фуқаролар йўл ҳаракати қоидаларини бузган тақдирда мамлакат ҳудудига кириши ёки унда қолиши чекланиши мумкин.
РИА Новости хабарига кўра, амалдаги федерал миграция қонунчилигида белгиланган тартибга биноан, агар чет эл фуқароси уч йил давомида икки марта ёки ундан кўп марта маъмурий жавобгарликка тортилса, Россияга киришига тақиқ қўйилиши мумкин. Бунинг ичига йўл ҳаракати қоидаларини бузиш ҳолатлари ҳам киради.
Қонунчиликка кўра, техник кўрикдан ўтмаган транспорт воситасини бошқариш, пиёдалар ўтиш жойида устунлик бермаслик, давлат рақамини нотўғри ўрнатиш каби қоидабузарликлар хорижлик ҳайдовчилар учун мамлакатга киришда уч йилгача чеклов қўйилишига сабаб бўлади.
