Францияда сиёсий инқироз: Макрон истеъфога чиқиши мумкин
104 депутат президент Эммануэл Макронга импичмент эълон қилиш ташаббусини имзолади.
Францияда мамлакат президенти Эммануэл Макрон фаолиятига нисбатан импичмент жараёни бошланди. Парламентда 104 нафар депутат ушбу ташаббусни қўллаб-қувватлаб, республика президентига нисбатан ишончсизлик масаласини кун тартибига киритди.
“Тарихий воқеа! 10 сентябр куни ўтказилган оммавий норозилик намойишларидан сўнг 104 депутат экологлар ва коммунистлар билан биргаликда Макронга импичмент эълон қилиш ташаббусини имзолади. Президент истеъфога чиқиши керак”, — деди “Insoumise France” партияси раиси Матильд Пано.
Эслатиб ўтамиз, 10 сентябр куни “Ҳаммасини ёпинг” шиори остида Франция бўйлаб йирик намойишлар бўлиб ўтди. Норозилар ҳукуматнинг иқтисодий сиёсатини ва бюджет қисқартиришларига қарши чиқиб, кўчаларни тўсиб қўйди, чиқинди қутиларни ёқди ҳамда полиция билан тўқнашувларга сабаб бўлди.
Депутатлар овоз бериш жараёнида 364 қарши, 194 тарафдор овоз билан ҳукуматга ишончсизлик билдирашди. Натижада бош вазир Франсуа Байру ҳукумати истеъфога чиқди. Намойишлардан сўнг мамлакатнинг кўплаб шаҳарларида фуқаролар байрамона чиқишлар уюштирди.
