Татаристонда 19 ёшли қиз лайк учун уйини ёқиб юборди
Воқеадан сўнг қиз отасини алдашга ҳаракат қилган.
Татаристонда 19 ёшли қиз интернетда машҳур бўлиш учун ота-онасининг квартирасини ёқиб юборди. Бу ҳақида маҳаллий нашрлар ёзмоқда.
Ҳодиса Бугулма шаҳрида содир бўлган. Қиз “тренд видео” суратга олишга қарор қилган ва ота-онасининг ётоқхонасидаги каравотга ўт қўйган. Олов тезда хонани қамраб олган.
Шундан сўнг ўт ўчирувчилар воқеа жойига етиб келиб, ёнғинни бартараф этишган. Қизнинг астма билан оғриган қўшниси тутунни ютиб, жароҳатланган.
Қиз отасини ёнғинга интернет-роутер сабаб бўлганига ишонтиришга уринган, бироқ у бунга ишонмаган. Кейинчалик унинг телефонидан ўт қўйиш видеоси топилган.
