Непалга вақтинчалик бош вазир тайинланди
Номзод намойишчилар томонидан илгари сурилганди.
Непал президенти Рам Чандра Паудел мамлакатда давом этаётган норозилик намойишлари фонида Олий суднинг собиқ раиси Сушила Каркини вақтинчалик бош вазир этиб тайинлади. ОАВ хабарларига кўра, президент намойишчиларнинг босимига йўл берган, шунингдек, вакиллар палатасини тарқатиш ва фавқулодда ҳолат жорий этишга ҳам рози бўлган.
Аввалроқ намойишчилар Каркини бош вазирликка асосий номзод сифатида илгари суришган эди. 73 ёшли Карки коррупцияга қарши фаол курашчи сифатида танилган бўлиб, у 2026 йилда бўлиб ўтадиган навбатдаги парламент сайловларигача ҳукуматни бошқаради.
8–9 сентябр кунлари мамлакатда ҳукуматнинг ижтимоий тармоқларни блоклаш қарорига ва кенг тарқалган коррупцияга қарши йирик намойишлар бўлиб ўтди. “Z авлод” деб ном олган норозиликлар полиция билан тўқнашувларга айланиб, тартибсизликларга сабаб бўлди. Расмий маълумотларга кўра, 51 киши ҳалок бўлди, 1300 дан ортиқ киши турли даражадаги тан жароҳатлари олди.
Намойишлар натижасида ҳукумат ижтимоий тармоқларни блоклаш қарорини бекор қилди, амалдаги бош вазир Шарма Оли эса истеъфога чиқди.
