Венгрияда қабр қазиш бўйича чемпионат ўтказилди
Унда икки кишидан иборат жамоалар рақобатлашган.
Венгриянинг Сексард шаҳрида ноодатий мусобақа — қабр қазиш бўйича 18-халқаро чемпионат бўлиб ўтди. Тадбирни мамлакат Қабр қазувчилар уюшмаси ташкил этди.
Беллашув шартларига кўра, иштирокчилар икки соат ичида 200х80 сантиметр ўлчамда ва 160 сантиметр чуқурликда қабр қазиши лозим эди.
Мусобақада Венгриянинг Parakletosz Nonprifit жамоаси ғолиб чиқди. Бу уларнинг кетма-кет иккинчи йил ғалабаси бўлди.
Ташкилотчиларнинг айтишича, бундай чемпионатлар касб нуфузини ошириб, ёшларнинг соҳага қизиқтиришига хизмат қилади.
