Японияда учувчининг мастлиги сабаб 630 йўловчининг рейси бекор қилинди

Japan Airlines (JAL) авиакомпанияси учувчиси хизмат вазифасига масъулиятсизлик билан ёндашгани сабабли учта рейс 18 соатга кечикди. Ҳодиса Гавайи оролларидаги Гонолулу халқаро аэропортида, Чубу халқаро аэропортига (NNT) учиши режалаштирилган Boeing 787 самолёти парвози олдидан юз берган.

 

Аниқланишича, парвоз капитани спиртли ичимлик истеъмол қилгани сабабли хизматга лайоқатсиз ҳолатда бўлганини тан олган. Мазкур воқеа оқибатида жами 630 нафар йўловчининг парвози кечиктирилган.

 

Япония Ер, инфратузилма, транспорт ва туризм вазирлиги JAL авиакомпаниясига нисбатан расмий огоҳлантириш берди. Авиакампания президенти Митсуко Тоттори жамоатчиликдан узр сўраб, келгусида бундай ҳолатларга йўл қўймаслик учун экипаж аъзолари соғлиғини назорат қилиш тизими кучайтирилишини маълум қилди.

 

Қоидабузарликка йўл қўйган учувчи ишидан бўшатилди.