АҚШ ва Хитой TikTok бўйича келишувга эришди
Ижтимоий тармоқ америкалик инвесторлар қўлига ўтади.
Bloomberg маълумотларига кўра, платформа Oracle, Andreessen Horowitz ва Silver Lake инвестиция компаниялари иштирокидаги консорциумга сотилади.
Келишувга мувофиқ, TikTok'га эгалик қилувчи хитойлик ByteDance компаниясининг улуши 20 фоиздан камроқ даражага туширилади. Бу қадам АҚШ қонунчилиги, хусусан миллий хавфсизлик талабларига мослашиш ва платформанинг мамлакатда фаолият юритишини таъминлаш мақсадида амалга оширилмоқда.
The Wall Street Journal хабарига кўра, америкалик инвесторлар TikTok'нинг тахминан 80 фоиз акциясини қўлга киритади. Шунингдек, дастлабки келишувга биноан, платформани бошқариш учун махсус янги Америка компанияси ташкил этилиши режалаштирилган.
