Трамп ва Маск яна биргаликда кўриниш берди
Улар жорий йил июнь ойида жанжаллашиб қолишганди.
Аризонадаги стадионда ўтказилган Чарли Киркни хотирлаш маросимида АҚШ президенти Дональд Трамп ва Tesla ҳамда SpaceX асосчиси Илон Маск май ойидан бери илк бор биргаликда кўринди. Улар қисқа суҳбат қуришган.
“Илон келиб саломлашди. Бироз суҳбатлашдик. Биз доимо яхши муносабатда бўлганмиз ва унинг ёнимизга келгани жуда яхши бўлди”, — деди Трамп журналистларга.
Маълумот учун, июнь ойида Маск ва Трамп ўртасида федерал харажатларни қисқартиришга оид таклиф сабаб низо келиб чиққан эди. Шундан сўнг Маск янги сиёсий партия тузиш ғоясини олға сурганди.
