Туркияда 21 ёшли қизнинг танасидан 287 та тош олиб ташланди
Олиб ташланган тошларнинг энг каттаси 2,5 сантиметрга тенг.
Туркиянинг Карабук вилоятида истиқомат қилувчи 21 ёшли қиз ноёб жарроҳлик амалиётидан ўтди. Узоқ давом этган қориндaги кучли оғриқлар сабаб шифохонага мурожаат қилган беморнинг текширувлари чоғ‘ида танасида кўплаб тошлар аниқланган.
Шифокорлар томонидан ўтказилган мураккаб операция жараёнида қизнинг сийдик йўллари ва буйракларидан жами 287 дона тош олиб ташланди. Олиб ташланган тошларнинг энг каттасининг диаметри 2,5 сантиметр экани қайд этилди.
Тиббий ходимларнинг таъкидлашича, бемор туғма урологик касаллик билан дунёга келган бўлиб, ушбу ҳолат жуда кам учрайдиган тиббий жараён сифатида қайд қилинди. Операциядан кейин беморнинг аҳволи барқарорлашгани, шифокорлар назорати остида даволаниши давом этаётгани билдирилди.
