Туркияда яна бир ўзбекистонлик аёл ўлдириб кетилди
Ҳозирда унинг жасадини Ўзбекистонга қайтариш чоралари кўрилмоқда.
Истанбулнинг Фатиҳ туманида ўзбекистонлик аёл уйида ўлик ҳолда топилди. Бу ҳақида маҳаллий телеканаллар хабар берди.
Қайд этилишича, асли андижонлик экани айтилаётган аёлнинг жасади уйида 3 кун қолиб кетган, кейин қўшнилар сезиб қолиб полицияга хабар беришган.
Аёл яшаган уйга келган уй эгаси ва дўсти калитсоз ёрдамида эшикни очган ва аёлни бўғзидан кесилган ҳолда кўришган. Ҳозирда ҳодиса юзасидан жиноят иши қўзғатилиб, тергов бошланган.
Бош консулхона хабарига кўра, аёл аввал депортация қилинган ва мамлакатга кириш тақиқланган. Кейинчалик исм-фамилиясини ўзгартирган ҳолда Туркияга кириб борган.
Ҳозирда ушбу жиноят бўйича Туркияда ҳуқуқни муҳофаза қилувчи идоралар тергов ҳаракатларини олиб бормоқда.
Эслатиб ўтамиз, бундан аввалроқ самарқандлик аёл ҳам Туркияда эри томонидан ўлдириб кетилганди.
