Трампнинг вертолётига лазер нури йўналтирилди
Бу вертолётнинг ҳалокатига сабаб бўлиши мумкин эди.
NBC News хабар беришича, 20 сентябрь куни Жейкоб Самюел Уинклер исмли шахс Оқ уй яқинида учаётган Marine One вертолёти томон лазер нурини йўналтирган. Бу вертолёт Қўшма Штатлар президенти учун хизмат қилади.
Ҳужжатларга кўра, Уинклер АҚШ Махфий хизмати ходимлари томонидан дарҳол қўлга олинган. Сўроқ чоғида у қилмишини тан олган, аммо бундай ҳаракат тақиқланганини билмаганини айтган.
Маълумотларга кўра, унга беш йилгача озодликдан маҳрум қилиш ва 250 минг долларгача жарима жазоси тайинланиши мумкин. АҚШ қонунчилигида бундай ҳаракат федерал даражадаги оғир жиноят ҳисобланади.
Ҳозирча воқеа Marine One учувчисига қандай таъсир қилгани ва ўша вақтда Доналд Трамп вертолётда бўлган-бўлмагани маълум эмас.
