Лукашенко: Зеленский бутун Украинани йўқотиши мумкин
Беларус Президенти Украинанинг тинчлик таклифларини рад этиши мамлакат ҳудудий яхлитлиги учун хавф туғдиришини билдирди.
Беларус Президенти Александр Лукашенко Украина раҳбариятини тинчлик бўйича таклифларни рад этмасликка чақирди. Унинг таъкидлашича, давом этаётган можаро янада кескинлашиб, Киев бутун мамлакат устидан назоратни йўқотиши мумкин.
Лукашенкога кўра, Украина президенти Владимир Зеленский нафақат музокаралар олиб бориши, балки тақдим этилган шартларни ҳам жиддий кўриб чиқиши лозим. У, хусусан, Дональд Трамп томонидан Вашингтонга олиб кетилган ва муҳокама қилинаётган тинчлик ташаббусига тўхталди.
"Агар украиналиклар бу таклифни қабул қилмаса, вазият янада оғирлашади. Бундай ҳолда улар бутун Украинани бой бериб қўйиши мумкин", – деди Беларус раҳбари.
