Буюк Британияда 12 та янги шаҳарча қурилади
Ҳар бир шаҳарчада 300 мингдан ортиқ уй бунёд этилиши кўзда тутилган.
Буюк Британия ҳукумати 12 та янги шаҳарча барпо этиш ташаббусини илгари сурди.
Лейбористлар партияси етакчиси ва Бош вазир Кей Стармернинг таъкидлашича, мазкур лойиҳа мамлакатда уй-жой муаммосини ҳал этишга қаратилган бўлиб, ҳар бир шаҳарчада 300 мингдан ортиқ уй қурилиши режалаштирилган.
Daily Mail нашрининг ёзишича, дастлабки учта шаҳар Бедфордшир, Лидс ва Шимолий Лондон ҳудудларида бунёд этилиши кутилмоқда. Қурилиш ишлари кейинги сайловларгача бошланиши режалаштирилган.
Стармернинг сўзларига кўра, лойиҳа айниқса, ҳали уй-жой сотиб олиш имкониятига эга бўлмаган 40 ёшгача бўлган британликлар учун муҳим аҳамият касб этади.
Эслатиб ўтамиз, Лейбористлар партияси ўз сайловолди дастурида парламентнинг жорий муддатида 1,5 миллионта янги уй қурилишини ваъда қилган эди.
