Украина АҚШ билан тўрта шартнома имзолаши мумкин
Киев Вашингтон билан қўроллар, дронлар, эркин савдо ва хавфсизлик кафолатларига оид битимларни мақсад қилмоқда.
Украина Вашингтон билан қурол-ёроғ етказиб бериш, дронларни ишлаб чиқариш, эркин савдо ва хавфсизлик кафолатлари бўйича тўрта икки томонлама ҳужжатни имзолашни режалаштирмоқда.
Бу ҳақда Украина президенти девони раҳбари Андрей Ермак Рада телеканалида берган интервьюсида маълум қилди. Унинг сўзларига кўра, шу ҳафта Украинанинг техник делегацияси АҚШга ташриф буюриб, икки шартнома юзасидан музокаралар олиб боради.
Ермак, шунингдек, ўзи ҳам яқин орада АҚШга сафар қилишини билдирган. Унинг қўшимча қилишича, Украина Бош вазирининг Вашингтонга ташрифи октябр ойининг ўрталарига режалаштирилган.
