Дронлар сабаб Германия аэропорти яна ёпилди
Бу тахминан 6,5 минг нафар йўловчига таъсир қилган.
Охирги бир сутка ичида иккинчи марта Мюнхен аэропортидаги иккала учиш-қўниш йўлаги келиб чиқиши номаълум дронлар кузатилгани туфайли ёпилди, дея хабар бермоқда BBC нашри.
Аэропорт маъмурияти баёнотида айтилишича, Германия авиация бошқарувчилари дронлар аниқлангани сабабли эҳтиёт чораси сифатида Мюнхен аэропортидаги парвозларни чеклаган. Парвозлар “кейинги огоҳлантириш”гача тўхтатилган. Бу тахминан 6,5 минг нафар йўловчига таъсир қилган.
Пайшанба куни кечқурун ҳам, Мюнхен аэропорти бир неча соатга ёпилган эди, чунки ҳукумат яқин атрофда дронлар парвозини қайд этганди.
