Президент кортежига ҳужум қилинди
Воқеадан кейин беш киши қўлга олинган.
Эквадор президенти Даниэл Нобоанинг кортежига номаълум шахслар ҳужум қилди. Бу ҳақида AFP ахборот агентлиги хабар берди.
Маълумотларга кўра, воқеа мамлакатнинг марказий қисмидаги Каньяр провинциясида содир бўлган. Президент ҳаракатланаётган пайтда юзлаб одамлар унинг кортежини ўраб олиб, тош ва ғиштлар отган ҳамда ўқотар қуроллардан фойдаланган.
Эквадор атроф-муҳит вазири Инес Мансано маълум қилишича, тахминан 500 киши кортежга ҳужум қилган ва президент автомобилида ўқ излари аниқ кўринган. Воқеадан кейин беш нафар киши қўлга олинган, президентнинг ўзи эса жабрланмаган.
Ҳужум билан боғлиқ шахслар “терроризм ва суиқасдга уриниш” моддалари бўйича жавобгарликка тортилади.
AFP’нинг қайд этишича, ҳозирда Эквадорда дизел ёқилғиси нархининг оширилишига қарши оммавий норозилик намойишлари бўлиб ўтмоқда. Ҳукумат бу тартибсизликлар ортида наркокартеллар турганини аймоқда.
