Перу пойтахтида фавқулодда ҳолат эълон қилинди
Ҳозирда жамоат йиғилишлари ва ҳаракатланиш эркинлиги чекланган.
Перу ҳукумати пойтахт Лима шаҳрида фавқулодда ҳолат эълон қилди. Бу қарор коррупция ва жиноятчиликка қарши ўтказилган, бироқ кескин тус олган норозилик намойишлари ортидан қабул қилинди.
Намойишлар асосан ёшлар ва талабалар ташаббуси билан бошланган бўлиб, улар президент Хосе Жерíнинг истеъфосини талаб қилмоқда. Полиция ва намойишчилар ўртасидаги тўқнашувларда камида бир киши ҳалок бўлди, ўнлаб одамлар жароҳат олди.
Ҳукумат фавқулодда ҳолатни 30 кунга жорий этиб, жамоат йиғилишлари ва ҳаракатланиш эркинлигини чеклади. Президент Жери намойишларни “жиноятчи гуруҳлар томонидан уюштирилган тартибсизлик” деб атади.
Инсон ҳуқуқлари ташкилотлари полициянинг ҳаддан ташқари куч ишлатганини танқид қилди. БМТ ва Америка давлатлари ташкилоти воқеаларни кузатиб бормоқда.
