Россия Украинага дронлар ва ракеталар билан ҳужум қилди
Ҳодиса оқибатида ҳалок бўлган ва жароҳат олганлар бор.
Бугун, 22 октябр куни кечаси Россия қўшинлари Киев, Запорожье, Днепропетровск ва Одесса вилоятларига ракеталар ва учувчисиз учиш аппаратлари билан зарбалар берган. Бу ҳақида Украина Фавқулодда вазиятлар хизмати маълум қилди.
Киев шаҳри мэри Виталий Кличконинг сўзларига кўра, ҳужум оқибатида шаҳарда 2 киши ҳалок бўлган, Яна камида беш киши, шу жумладан икки ёшли бола жароҳат олган.
Киев вилоятининг Бровар туманида зарбалар оқибатида уч киши ҳалок бўлган.
Запорожьда ҳарбий маъмурияти раҳбари Иван Федоровнинг маълум қилишича, вилоятда Россия ҳужуми оқибатида 13 киши, шу жумладан икки бола жароҳат олган.
Украина Энергетика вазирлиги энергетика инфратузилмасига берилган кенг кўламли зарбалар сабабли мамлакатнинг аксарият ҳудудларида фавқулодда электр таъминоти узилишлари жорий этилганини маълум қилди.
