Россияга муҳожирларни суғурта полиси ва тиббий маълумотнома билан киритиш тизими таклиф этилди
Янги тартиб хорижий ишчиларнинг тиббий назоратини кучайтириш ва сохта ҳужжатлар муаммосини бартараф этишга қаратилган.
Россия Давлат Думаси мамлакатга кирaётган хорижликлар учун янги талабларни жорий этишни таклиф қилди. Таклифга кўра, муҳожирлар Россия ҳудудига киришда тиббий суғурта полиси ва айрим касалликлар йўқлигини тасдиқловчи маълумотнома тақдим этишлари шарт бўлади.
Бу ташаббус Давлат Думасининг Меҳнат, ижтимоий сиёсат ва фахрийлар ишлари бўйича қўмитаси раиси Ярослав Нилов томонидан илгари сурилган бўлиб, у бу чора Россия хавфсизлиги ва соғлиқни сақлаш тизими манфаатларига тўлиқ мос келишини таъкидлади.
Ниловнинг сўзларига кўра, хорижлик ишчилар ҳозирда патент олиш жараёнида тиббий кўрикдан ўтади, бироқ бу мамлакат ичида маълум вақтни талаб қилади. Шу сабабли, уларнинг айрим юқумли касалликлардан холи эканини тасдиқловчи ҳужжатларни олдиндан тақдим этиш тизимини жорий этиш зарурлиги қайд этилди.
Депутат, шунингдек, сохта тиббий сертификатларнинг олдини олиш мақсадида қўшимча тиббий текширувларни сақлаб қолиш лозимлигини билдирди. Ниловнинг фикрича, худди шундай тамойил тиббий суғурта полисларига ҳам татбиқ этилиши керак.
— Бугунги кунда қонунчиликтa ҳар бир чет эл фуқароси Россия чегарасидан ўтаётганда суғуртага эга бўлиши белгиланган. Бироқ амалда бу талаб тўлиқ бажарилмаяпти. Шунинг учун бизнинг таклиф шундай: суғурта бўлмаса — мамлакатга кириш ҳам бўлмайди, — деди Ярослав Нилов.
Унинг сўзларига кўра, янги тизим жорий этилгaч, хориҷий фуқаролар суғурта полисларини электрон шаклда онлайн харид қилиб, чегарада тегишли маълумотни тақдим этишлари мумкин бўлади.
