Эрдўған: Биз биргаликда минтақанинг етакчиси, кучли ва фаровон Туркияни қурамиз
Туркия президенти Республиканинг 102 йиллиги муносабати билан қилган нутқида миллий бирлик ва мустақилликнинг аҳамиятини таъкидлади.
Туркия Республикасининг 102 йиллиги муносабати билан Президент Ражап Таййип Эрдўған мамлакатнинг янги тараққиёт мақсадлари ва ютуқларига бағишланган муҳим баёнот билан чиқди. Президент ўз баёнотида Туркия Республикасини "турк халқининг озодлик ва мустақиллик учун курашидаги сўнгги мустаҳкам пойдевор" деб таърифлади.
Эрдўған 86 миллион турк фуқаролари, Қибрис турклари ва чет элдаги ҳаммиллатларини Республика куни билан табриклаб, бу кунни шарафли турк тарихининг энг юқори чўққиларидан бири деб баҳолadi. У турк халқининг мустақиллик ва миллий суверенитет идеалини амалга оширган мазкур тантинали кун Туркия, халқ ва бутун инсониятга фойда келтиришини орзу қилди.
Президент Мустафо Камол Отатурк, Буюк Миллат Мажлиси аъзолари ва барча миллий қаҳрамонларининг хотирасига миннатдорчилик билдириб, уларнинг қонлари ва ҳаётлари билан бу ерларни Ватан қилганликларини таъкидлади.
Эрдўған "Туркия асри" мақсадлари доирасида мамлакатнинг мудофаа саноатидан иқтисодиёт, таълим, қишлоқ хўжалиги, туризм, энергетика ва ташқи сиёсатгача бўлган барча соҳаларда янги босқичга кўтарилаётанини айти. 2023 йил 6 февралдаги ҳалокатли зилзила оқибатларини бартараф этиш бўйича ишлар олиб борилаётанини ва вайронагарчиликдан жабрланганларга йил охиригача 453 мингта хавфсиз уй тақдим этилиши режалаштирилганлигини маълум қилди.
Туркия террорга қарши курашда муҳим ютуқларга эришаётанини таъкидлаб, миллий бирлик ва бирдамликка таҳдид солаётган ҳар қандай шубҳали режаларни бартараф этишда давом этишини айтди. Президент Фаластин, Ғазо ва бошқа инқирозли ҳудудларда тинчлик йўлини очиш учун воситачилик, дипломатик ва гуманитар ёрдам кўрсатиш борасидаги саъй-ҳаракатларини давом эттиришини маълум қилди.
Эрдўған Туркиянинг минтақада етакчи, дунёда эса кучли ва фаровон давлат сифатида шакллантирилишида давом этилишини таъкидлаб, "Худонинг ёрдами билан биз Туркияни минтақа етакчиси, дунёда ҳурматга сазовор, буюк, кучли ва фаровон давлат қилиб курамиз" деди.
Президент баёнотини миллий қаҳрамонлар хотирасига бағишлаб, барча фуқаролар, дўстлар ва меҳмонларни Республика куни билан чин қалбдан табриклади.
