Туркияда 7 қаватли бино қулаб тушди
Ҳодиса оқибатида ҳалок бўлганлар бор.
Бугун, 29 октябрь куни эрталаб Туркиянинг Қоджаэли вилоятидаги Гебзе шаҳрида 7 қаватли турар жой биноси қулаб тушди.
Расмий маълумотларга кўра, бино қулаши оқибатида бир оиладан бир нечта киши вайрона остида қолган. Икки нафар бола ҳалок бўлгани айтилмоқда. Бир нафар қиз қутқарилиб, шифохонага етказилган.
Қутқарув ишларига 600 нафардан ортиқ ходим, ўт ўчирувчилар ва махсус техникалар жалб қилинган. Бино нима сабабдан қулагани ҳали аниқ эмас. Маҳаллий ҳокимият ва мутахассислар қурилиш сифати, пойдевор ҳолати ва яқин-атрофдаги инфратузилма ишлари бу ҳолатга таъсир кўрсатган-кўрсатмаганини текширмоқда.
