Покистон ва Афғонистон чегарасида қуролли тўқнашув: 10 га яқин аскар ҳалок бўлди
ТТП гуруҳининг 7 нафар жангариси ҳам ўлдирилган.
Покистоннинг Хайбер-Пахтунхва вилоятида Афғонистон билан чегарадош ҳудудда қуролли тўқнашув юз берди. Воқеа натижасида олти нафар покистонлик аскар, шу жумладан бир зобит ҳалок бўлди. "Теҳрик-э-Толибон Покистон" (ТТП) гуруҳи аъзолари билан хавфсизлик кучлари ўртасида содир бўлган отишмада гуруҳнинг етти нафар жангариси ҳам ўлдирилган.
Покистон армияси бўлинмалари ТТП гуруҳининг Догар ҳудудида борлиги ҳақидаги маълумотни олгач, махсус операция ўтказган. Операция давомида юз берган қуролли тўқнашувда иккала томондан ҳам жангларнинг қизғин кечгани маълум қилинди.
Ҳозирча ҳалок бўлган аскарларнинг шахси ва тўқнашувнинг аниқ сабаблари тўғрисида батафсил маълумот ошкор этилмаган. Воқеа минтақадаги хавфсизлик вазиятининг яна бир бор кескинлашганлигини кўрсатмоқда.
