Трамп кутилмаганда зудлик билан ядровий қурол синовларини бошлашни буюрди
Ҳаракат Россия ва Хитойнинг ядровий дастурларига жавоб ҳисобланади.
АҚШ президенти Дональд Трамп мамлакатнинг ядровий қурол синовларини қайта бошлаш тўғрисида қабул қилинган қарорини эълон қилди. У "Truth Social" ижтимоий тармогидаги саҳифасида берган баёнотида бу қарор Россия ва Хитойнинг ядровий дастурларига нисбатан жавоб чоралари сифатида қабул қилинганлигини таъкидлади.
Президентнинг айтишича, "Жараён дарҳол бошланади" ва Мудофаа вазирлиги тегишли кўрсатмаларни олган. Оқ уй расмийси эса бошқа давлатлар ядровий синовлар олиб бораётгани сабабли, АҚШ ҳам ортда қолмаслиги кераклигини билдирди.
Трамп шунингдек, дунё ядровий кучлари рейтингини ҳам тақдим этди. Унга кўра, АҚШ ядровий қурол захираси бўйича дунёда биринчи ўринда туради, Россия икинчи, Хитой эса учинчи ўринда. Бирок у Хитойнинг келгуси беш йил ичида етакчиларни қувиб етиш имконияти борлигини таъкидлади.
