Владимир Путин: "Уруш русларнинг генларида бор"

 

Россия Президенти Владимир Путин Мандрика ҳарбий госпиталига ташрифи чоғида Украинадаги ҳарбий ҳаракатларда қатнашган аскарлар билан учрашув ўтказди. Учрашув давомида Путин рус халқининг урушга "ирсий мойиллиги" ҳақида баёнот берди.

 

Суҳбат пайтида "Ҳаво ҳужумидан мудофаа қўшинлари қаҳрамонлари"дан бири Улуғ Ватан урушида қатнашган бобоси ҳақидаги маълумотларни топганини айтди. Бунга жавобан Путин аскарнинг бош бармоғини ушлаб: "Мана, мен сизнинг бобонгиз шундайлигини билмагандим, лекин сиз ҳам худди у каби курашасиз", деб эътироз билдирди. Аскарнинг "Мен ҳаракат қиламан" деган жавобига Путин: "Бу бизнинг генларимизда, биласизми? Бизда бор. Бу ҳеч қаерга кетмайди", деб қўшимча қилди.

 

Тадбирда 127-алоҳида разведка бригадаси ҳарбийлари иштирок этди. Матбуот маълумотларига кўра, учрашувда қатнашганлар орасида камида иккита олдин судланган шахслар ҳам бўлган. Улардан бири Рустем Ибраимов ўғирлик ва ўлим билан таҳдид қилганликда айбланиб, бир неча марта судланган. Босқиндан бир ҳафта олдин, 2022 йил 15 февралда ўғирлик учун беш ойлик қамоқ жазосига ҳукм қилинган эди.

 

Учрашувнинг яна бир иштирокчиси, керчлик 21 ёшли Владислав Бобко 2023 йил июнь ойида полиция ҳисоботларида ўғирликда гумонланувчи сифатида қайд этилган.