Хитой 3 астронавт ва 4 та сичқонини космосга учирди
Миссия биологик жараёнлар ва организм тўқималаридаги ўзгаришларни ўрганишдан иборат.
Хитой Shenzhou дастури доирасида яна бир космик парвозни амалга оширди. Тсичуань космодромидан учирилган ракетада 3 нафар астронавт ва илмий тажрибалар учун мўлжалланган 4 та лаборатория сичқони бўлган. Экипаж мамлакатнинг “Тянхэ” орбитал модулида бир неча ой давомида тадқиқот ишларини олиб боради.
Хитой Миллий аэрокосмик бошқармаси маълумот беришича, парвознинг асосий мақсади — микротортилма (нул оғирлик) шароитида биологик жараёнлар ва организм тўқималаридаги ўзгаришларни ўрганишдир. Сичқонлар махсус биокапсулаларда жойлаштирилган бўлиб, уларда физиологик кўрсаткичлар доимий назорат остида турибди.
Мутахассислар фикрига кўра, ушбу тажрибалар келгусида Ой ва Марсга узоқ муддатли парвозлар давомида инсон саломатлигини сақлашга оид муҳим маълумотларни бериши мумкин.
